…للأسف

حاسه ان كل التعاطف و التضامن اللي على فيسبوك مبتذل و مبالغ فيه… حاجة الناس بتقولها من باب نفي اتهام أو شبهه، أو على أحسن تقدير حفظ ماء الوجه…

من كتر ما الناس عندها اسهال تعاطف و جمل بتعكس كلاشيهات مجتمع بقى بيردد كلام حافظه من غير فهم، بقيت حاسة بغصة في حلقي و مش قادرة لا اسأل و لا أطمن على اي من أصحابي أو معارفي اللي ممكن كانوا موجودين حوالين القنبلة أو يعرفوا حد من اللي ماتوا، الله يرحمهم و يصبر أهاليهم…

اللي ملخبطني و ملجم لساني هو ليه المسلمين كرد فعل تلقائي جدا قاموا بتقديم اعتذار و تعزية كمسلمين ل “إخوانهم المسيحيين”، بل و كمان نصوص من قرآن و حديث تثبت مصداقية الإسلام كدين يدعو إلى السلام و تقبل الآخر… هل ده نوع من أنواع الدفاع عن النفس على غريرة “مش أنا و الله”، ولا ده نوع من أنواع الإحساس الدفين بالذنب لأن إحنا بقينا في مجتمع بيفرق فعلا ما بين الناس حسب ديانتهم، و بيفرق ما بين الناس اللي في ديانة واحدة حسب مذهبهم، و بيفرق مابين الناس اللي في نفس المذهب حسب التزامهم بيه؟

احنا كلنا اتربينا على عنصرية مستترة، كل الحكاية ان فيه ناس شايفة ان عنصريتهم دي صح أو مبررة و ناس تانية مكسوفة من نفسها و من موروثها الثقافي و الإجتماعي المشوه…

أنا من جيل سمع حكايات عن وحدة وطنية و حب مابين ناس عايشة في نفس البلد بصرف النظر عن دينهم و عبادتهم لكن للأسف ماشفتش ولا أمارة!! عمتي بتحكيلي أن جدي الله يرحمه كان أقرب أصدقاء ليه مسيحيين و مش فاهمة ان كونها بتقول الجملة دي في حد ذاتها نوع من أنواع التفرقة… ازاي بقينا بنقوم بالتفرقة دي بمنتهى حسن النية و بدون ذرة شك واحدة في مصداقية مفاهيم مش واضحة، بس يدوب بتنقح في صورة اعتذار من حين لآخر…

طب ما بدل ما نمثل على بعض خلينا نرجع للأساسيات… الناس اللي ماتوا دول بشر، ليهم أهل و ناس موجوعين اوي على فقدانهم… تخيلوا كدة لو اللي ماتوا دول ابوك او امك او ابنك او بنتك… انا لما بتخيل اني ممكن ابقى مع حد من ولادي أو حتى من غيرهم في مكان فيه انفجار بتخنق من الفكرة…

من امتى الإنسانية بتفرق بين دين… لا الموت و لا المرض بيفرقوا و بالتالي التعاطف ماينفعش يكون لا مشروط ولا مبرر… اللي ماتوا دول بشر كان ليهم حياه و آمال و مستقبل و اللي حصلهم ده لا يغتفر… لكن أنا برفض ان تفسيره يكون مابين مسيحيين و مسلمين أو حتى مصريين… احنى امتى نسينا نبقى بشر!!

Advertisements

~ by insomniac on January 4, 2011.

5 Responses to “…للأسف”

  1. TOTALLY agree!but they’re accumulation of the past that led to that act.

    It freaks me out actually…to see where the future of this country is heading to

    • mesh fahma accumulations of what past that lead to what…

      the bombing? it’s simply an inhumane act due to the moral decay in the fabric of our society…

      the accusations and the defending of religion? de bat7a wag3ana kolena w ben7ases 3aleeha, w mooga kol elly mesh fahem beyerkabha 3ashan mayetfehemsh ghalat!

      this country’s future is a sad mystery that i dare not guess

  2. الكتابة بالعربى لها طعم تانى
    يا ترى إشمعنى كتبت إنهارده فى الموضوع ده بالعربى؟

    تحياتى

    • بقالي ييجي 10 دقائق بفكر في اجابة تقنعك أو تقنعني لكن مش عارفة…

      البعبعة جت في بالي بالعربي و لما جيت اكتبها كنت بقف افكر في المرادف العربي للجمل لما اترصت بالإنجليزي في دماغي لأني كنت حاسه ان الكلام بالعربي هيكون
      less detached and less judgmental (القاموس افش على المصطلحين دول)

  3. the bombing is what we call “alqasha allaty qasamat dhahr alba3eer” nag3 7ammady incendent, opposed to tasree7at i don’t know who about muslims not being the original inhabitants of Egypt etc.

    I hope we don’t end up another Iraq or Lebanon

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: