أنا أحتج…

كل الناس مؤمنة ان كل حاجة ليها ثمن… و كل ما الحاجة بقت أغلى، كل ما الثمن بقى أغلى…

على عيني و راسي…

طب ليه الواحد ساعات بيدفع ثمن غالي أوي في حاجات ماتستاهلش؟ هبل؟ غباء؟ قلة خبرة؟ يأس؟

بس برده، ده لا يبرر اطلاقا ان الثمن يبقى غالي… آآآآآه، الدرس المستفاد هو اللي غالي… طب و اللي مش شايف الدرس؟ و اللي مش فاهمه؟ و اللي اخيرا شاف الدرس و فهمه لكن مش عارف ازاي يتعلمه و يطبقه؟؟؟؟ يفضل بقى يدفع الثمن ده مرة ورا الثانية، و بفوايد كمان عشان يتنيل يتعلم…

طب أنا فلست… خلصت خلاص… و فاضلي تكة واحدة و ماتبقاش فارقة معاية اني اتعلم، ماهو اللي معهوش مايلزموش…

بس العيلة اللي جوايا نفسها في حاجة ببلاش… هدية… نفسها تيجي اي حاجة حلوة مهما كانت صغيرة بس يا ريــــت تكون واضحة لأني بعاني من حالة عمى اتمنى يكون مؤقت….

the best things are free ماينفعش كل حاجة في الدنيا تبقلى ليها ثمن… بيقولوا بره

… أكيد عندنا في ثقافتنا حاجة زي كدة بس انا مش عارفاها….

لكن موضوع كل حاجة ليها ثمن ده أنا باحتج عليه… بشدة

Advertisements

~ by insomniac on September 20, 2010.

4 Responses to “أنا أحتج…”

  1. كل حاجة ليها ثمن ده قرار ربنا من زماااااااان…ان كل حاجة يا حسنة يا سيئة وفى بعض الحالات يا حسنات يا سيئات..
    طيب خلينا نبص من وجهة نظر أنانية بحتة-انانية بمعناها الكويس- اى حاجة اعملها كويسة مع حد..اقبل ان ما يبقلهاش قيمة؟؟ ايى حاجة حد يعملها معايا الصح ان ميبقلهاش قيمة؟؟ يعنى افضل جدعة طول عمرى معاكى وانتى مش حسة بقيمة ده؟؟
    من القيمة بيجى الثمن…ثمن انى استجدع هو وقت او مجهود او عواطف…ثمن انى آخد منك كمان هو وقت ومجهود وعواطف…
    عارفة انا فهمت ايه من البوست؟
    انك عايزة حاجة جميلة مفيهاش معاناة.؟..وهنا يبقى عندك حق…مين قال ان الثمن معاناة ضرورية؟
    الثمن يبقى فى معاناة لو باختيارى قررت اعمل حاجة بحبها وثمنها بطبيعته فيه معاناة…وساعتها حيبقى ثمن غير موجع…ثمن طبيعى…من قيمة الشىء..
    وعلى فكرة…آى اف يو ان ارابيك :):):)

    • ايوة، انا برفض تماما ان الثمن يكون معاناة، أو يكون أكثر من قيمة الحاجة… بس انتي عارفة العربي الضارب

      بس على فكرة، حتى من المنطق الأناني البحت (الحلو برده) الثمن مش شرط مطلق… يعني كل حاجة انتي بتعمليهالي بتيجي طبيعي و من غير انتظار ثمن مني… و نفس الكلام لما بتحسي اني عملت حاجة كويسة ليكي، أكيد مش بتفكري “انا لازم حدفع ثمن ده) … يمنكن بيقى فيه ثمن، بس بيكون اسمى و ارقى من اننا نشوفة او نحس اننا بندفعة… و يمكن هية دي القيمة، اننا ندفع ثمن واحنا مش حاسسين غير اننا بناخد

      و عشان كدة، امبارح بعد ما قريت تعليقك، حسيت ان انتي و د. ن حاجات جميلة جاتلي هدية… الحمد لله

      :)

      كفاية كدة عشان منتحسدش

  2. “The more you’re willing to pay, the more valuable the prize. The question is: Are you willing to pay the price?”

    — Johnny Lingo

    • i still think some things are not “prizes” and are not even worth it… and the problem with that is that we only see it in retrospect… after we had paid, and worse, after we had reached the place where we’d be willing to pay whatever price there is…

      it’s like buying something and finding out that it is not as glamorous as you thought it would be… it’s the expensive dress that made you look and feel good but after wearing it a couple of times the fabric was immediately worn out!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: